Merry Christmas

                                "Merry Christmas to you all"

         Siartu unau nan zaten  Christmas kut kan lo kai,Tukum 2010 Bawi Jesuh suah ni,thla le caan in hruai thleng tu Bawi Khrih hmin sunglawi sinseh.

         Nang teh tukum 2010 Christmas sunlawihnak dingah ziang mi timtuahnak na nei ? Kan hngakhlap zetmi Christmas cu nuamnak phunkim thawn kan hmuak theu asinan Christmas sullam ziang thei cuca lo in kum kan liam theu.tu kum Christmas cu kan zaten thinlung zate in Bible siarnak leh thlacamnak thawn kanhmuak cio pei uh.

         Ani, athla leh atikcu caan fiang zet in kan rel thei asilo nan, Jesuh Krih cu leilung tlun ah misual pawl ruun ding in ara timi cu kan thei cio in kan zum cio,Zopoh tla in suah nileh thla kannei cio bangin Jesuh khrih hi leitlun ih asuah ni cu a um rori ti cu thufiang asi.Jesuh khrih hi leilung tlunih asuah tik ah tumtahmi tumpi anei, cui atumtah mi cu Pathian thinhengnak damter ih asersiam mi hloral zo mi pawl rundam ding asi.Cu asiruangah nang leh kei tla tukum Christmas sunlawih nak leh lawmnak ah kan kiang kap ih nai bik mipawl hnenah hi thuthangtha hi kan thei ter cio pei uh ,thlarau hlo tampi ,nun beidawng, fehnak ding thei lo le,hruaitu neilo pawl hnen ah Christmas thuthang tha hi kan sim thei cio pei uh, cutin kan Siang pahrang Jesuh khrih Caw rawl peknak kuangsungih asuah man anun sung hmuah tih duh dah harsatnak tuar ih thinglamtah ih khenih  a um man a um ding.

                  Christmas daihnak nan zate hnen ah um hram seh.

Kuakuai Aankaa In Nupi Nei

Kan member Salai Van Lal Tiam cun leitlun ih a tulsambikmi thinghnah hringte a hmu ngahzo ruangah kan lungawipizet a si. Salai Tiamte hi kan member sung ih kan rinsanzetmi lakih pakhat a si.

Danthianghlim in tuini 5 December 2010 ah nupi a nei. 'I love you' tiih tongkam suah dingah kumkhat lenglo a nawpaw ih kan dung thla ahkhan "Cemtheilo" duhdawtnak hriphang an peh ih a hnakruh tumsawntu Mai Bawi Hlei Kim cun ziangtik hmahah an pahnih karlak hriphang cah a sianlo thu a sim.

Congrats Salai Tiamte!

Salai Reuben Lak Sawng Dawng

New Delhi biaknak Fellowship tumbik DBCF(W) ih Baibal zohlo siar zuamawknak ah Kuakuai Aankaa, member ihsin Salai Reuben cun laksawng sunglawizet a dawng ih Kuakuai Aankaa pawlin kan lungawipinak kan langter a si.

Kuakuai Aankaa rualpipawl cun thla khat sung lenglo practicenak a neih thu khal an sim ih Pathian cathianghliam hrang a tikcucaan a pek thei ruangah kan upatzet tiah rualpawl cun an sim bet.

Salai Reuben khalcun himi zuamawknak ih a tel a sirawklo thu Kuakuai Aankaa pawl hnen ah porh zet in a sim tel bet.

Ka Lo Duh Sawn!

---------------------------------------------------------------------------------------

"Duat! Ka lo duh sawn si!........"

Zarhte zan ahkhan ka “darling,” ka “Duat” tiih kawh hman ka sian lo ka thinlung sung ih Lasi fala nute thawn kan biak aw.

“Duat! ka lo duh tuk” ka ti… “ka lo duh ve si”in ti…ka diriam theilo… “Kei cu ka lo duh taktak so khaw” ka ti… “Ziangtin ka sim nawn ding ka lo duh ti bak lo cun ziangtin ka sim ding?” in ti…ka diriam cuanglo, “keimah in ka lo duhsawn” ka ti sal…

“Kei tla cu vek thotho in ka lo duh so khaw” in ti lala…

Asinan, ka duhsawn timi hi keimah le ka thinlung lawng in kan thei….Huh!

Asile, Cucu zo sawn ih duhdawtnak a naa deuh ding...Keimah in ka lo duh sawn ka ti tikah Keimah in ka lo duh sawn in ti lala fawn...

Mipa maw nunau duhdawtnak ih lungkuai tam...Romantics leitlun ahhin fala pawl an lungkuai tam sawn ding kan zum cio maw...Asile, mipa duhdawtnak thu simthiamlo a thupte ih mi duhdawt pawl teh khi, an thin a kuai ve lo maw...

A tlun ih vorhlam kau thusuhnak ah kan vote cio ding.

===============================================

Kuakuai Sungtuan pawl

• Zohfeltu (Editor)             : Uk Lian
• Bawmtu                            : Salai Za Biak Hu @ C.Modernhoe
• Sumkiltu                           : Mai Dawt Hnem Kim
• Sumkil Bawmtu              : Mai Judith
• Sumkil Bawmtu              : Mai Dawt Hlei Par

                Kuakuai kung diaidi hi....

1. Salai Lal Sawi Ceu
2. Salai Thian Lian Ham
3. Salai Ma Zawn
4. Salai Reuben Van Biak Cuan
   
5. Salai Ngun Sin Mang
6. Salai Lal Pek Piang
7. Salai Van Lal Tiam
8. Salai Lal Nei Mang
9. Salai Van Lal Muan
10. Salai Ram Cuan Sang
11. Salai S. Lal Hu Lian
12. Salai Lal Than Zual
13. Salai Uk Lian
14. Salai Lal Tan Ngai
15. Salai Van Ram Eng
16. Mai Dawt Hlei Par
17. Mai Judith
18. Mai Dawt Hnem Kim
19. Mai Esther Zo Par
20. Salai Za Biak Hu
21. Steve  Van Bawi Thawng
22. Salai Tun Tun
23. Mai Zing Bawih (Yangoon)
24. Mai Baw Bawih
25. Mai Ren Cia Thluai

Kuakuai aankaa sungtuan pawl to tlan lai

New Delhi ih thangthar nonawnpawlcu tawngaw khawm in Calai thansohnak ding ah Chin Nonawn Calai Pawlkom (Delhi) tiah 27 June 2010 ahkhan din thoknak an nei.

Himi CNCP(D) din hlan denkhan in New Delhi ih nonawn mitamsawn hnenah sawmnak cahlap zem suahnak neih asi’h hleiah online khalah sawmnak tarlannak neih bet a si.

Ahmaisabik New Delhi Chin Nonawn Calai Pawlkom CNCP(D) pawl hi ramsung khalih calai theitawkih rak buaipi rerotupawl an si. Mino thalai pawlih Awmirsuak, Biazai, Nunthuleng, Cazikno le Calai a phunphun ngannak ding khalah “Kuakuai Aanka” tiah ko in New Delhi khaw sung ah cabu veihnih an suah zo.

Kuakuai Aankaa hi thla hnih veikhat, man Rs-10 ih suah an tum thu kan palai hnen ah an sim.Chin Nonawn Calai Pawlkom (New Delhi) hin Calai thansohnak dingah theitawp suah in hma a la rero thlang.

Chin Nonawn Calai Pawlkom (New Delhi) sungtel sinak (member fee) thlatin Rs-20 an khawngaw theu. Suangtel duh pawl hrangah sangkaa kaupi an on thu khal kan dawng bet.

Culawngsiloin CNCP(D) member (sungtel) pawlkomawknakkuakuaiankaa@googlegroups.com online (internet) ah tuah a si. “Kan Calai le fimthiamnak na sa sinsin ih kan tuah sunzawm vivo theinak ding ah zocio khal kan tan a tul” tiah an lakih hotupakhat Lal Than Zual in a sim.